Kvar dag på T-bana ser eg enorme mengder folk som reiser seg for å stå klar framfor døra når bana er framme på stasjonen der dei skal gå av. Dei blir gjerne ustø av å reise seg opp i fart og må kanskje gripe tak i noko for å halde balansen i det vogna stoggar. Eg vil gjerne fortelje dei at det ikkje finst ein einaste plass i t-banevogna der det er noko tid å spare på å reise seg opp før vogna har stansa heilt. Det tek nemleg ei god stund frå vogna står i ro til dørene opnar seg opp. Eg seier det likevel ikkje til folk eg ikkje kjenner, for det er jo ikkje eit stort problem.