Einsam ulvetrend

For nokre veker sidan erklærte ein tiåring eg kjenner at han både hadde laga ostesmørbrød og gjort leksene – heilt sjølv – før dei andre i husstanden kom heim. Så skjedde det noko uventa: Det materialiserte seg ein meme i ansiktet hans. Han snurpa inn kinna, pressa fram leppene, heva augebryna sjølvsikkert, og sa: «Sigma!» med tilgjort stemme. Før eg rakk å summe meg var dette sigma-fjeset bytta ut med eit glis og eit skuldertrekk, og han forsvann ut av rommet på jakt etter meir informerte samtalepartnarar.