Antoine de Saint-Exupéry, han med «Den lille prinsen», fortel i ei anna og meir heltedyrkande bok om ein flygar som dett ned i Andesfjella og vandrar dagevis i is og snø for å nå fram til folk. Frosten gneg han sund, særleg etter at han mista vottane, og helst vil han leggja seg ned og sovna for alltid. Men han må gå og gå, om ikkje for anna så for at liket hans skal bli funne, slik at familien kan få forsikringspengane.
