Dagboka

Stenger

Det tyske romfartsselskapet Isar Aerospace skal gjøre et nytt forsøk på å skyte opp sin 28 meter lange rakett «Spectrum» fra Andøya. Og da må arealene rundt stenges ned. Mellom 4. og 11. september har de et «vindu», som det heter på romfartsspråket. Da er muligheten stor for å få raketten opp, så den kan levere sin last med mindre satellitter som skal i bane rundt jorda. Nå kunngjør Andøya Spaceport, rakettbasen, at landområder rundt oppskytningsfeltet og store sjøområder vil bli avstengt, ferdselsforbudet gjelder på land mellom klokka 12 til midnatt, til havs mellom 20.00 og 00.00. Båter som befinner seg aktuelt område klokka 20.00 må snarest komme seg ut. Sist gikk det ikke etter planen. Raketten gikk opp, snudde, nærmest eksploderte og landet i sjøen.

Ole Magnus Rapp

Sau

Om du viser ein sau fotografi av andletet til andre sauer, og lønar den med mat for å kjenne att dei ulike sauene, kan den hugse femti ulike sauefjes to år etter at den såg bileta sist. Om ein sau anar fare, vil dei andre sauene i flokken skjøne det utan at han lagar ein lyd. Han frys til og stirer mot faren, og etter kort tid får dei andre sauene det med seg og stirer dei og. Ein ung sjimpanse kan sjå ni tal på ein skjerm i ein femdel av eit sekund og deretter peike ut plasseringa deira i rett rekkjefølgje. I forsøk har unge sjimpansar gjort dette betre enn vaksne menneske. Ein hund kan lære namna på meir enn tusen ulike gjenstandar og finne fram akkurat den du ber om. Alt dette er imponerande, men det fortel oss ikkje korleis det kjennest å vere eit dyr. Me har gode grunnar til å tru at også andre pattedyr har medvitne opplevingar, men me veit ikkje kva form tankane deira tek.

Aleksander Åsnes

Harald

Jeg liker egentlig ikke å seile, kunne kong Harald avsløre til Seilmagasinet i 2023. Det er jo oppsiktsvekkjande at ein mann som har hatt segling som sin viktigaste hobby store delar av livet, seier det. Plikt har truleg vore viktig i livet hans. Då dei norske mennene i 1905 tok stilling til om prins Carl av Danmark skulle bli konge, var dei samiske områda blant dei mest kongetru. I både Kautokeino og Tysfjord vart det ikkje ei einaste nei-røyst. Men i Karlsøy i Nord-Troms hadde Nordlys-grunnleggjaren Alfred Eriksen mobilisert sosialistiske fiskarbønder mot nessekongane. Der røysta 82,9 prosent nei. I Bygland i Setesdal var det den nasjonaldemokratiske motkulturen og målsaka som rådde, og 86,8 prosent røysta nei. Arne Garborg ville ha ein republikansk fristat etter sveitsisk modell. I artikkelen «Stundi er komi!» argumenterte han for at tida var inne for republikk. Han frykta at ein dansk prins ville styrkje dei urbane dansk-norske kreftene og svekkje dei norsk-norske. Klokka 18.48 fredag kveld passerte den avlidne kong Harald ni og ein halv meter frå inngangsdøra mi på Ullevål i ei lysebrun kiste. Det pøsregna, men heile den vesle Sognsveien var full av folk med blomar og flagg.

Aleksander Åsnes