Fire spørsmål til Økokrim

Sleivspark i valkampen

Dagsnytt atten måndag 18. august hadde eit innslag der SV gjekk ut mot MDG og åtvara mot å stemme på partiet. Partisekretæren frå SV verka aggressiv og tok det nærast for gitt at MDG ville kome under sperregrensa og at røyster på partiet ville vere bortkasta. Ingrid Liland frå MDG sto derimot fram veldig sympatisk og la stor vekt på alt som dei to partia er samde om og kan samarbeide med og kor viktig dette kan vere i eit framtidig storting med raudgrønt fleirtal. Sjølvsagt skal ein partileiar oppfordre til å røyste på eige parti, men å prioritere eit slikt utspel med medieoppslag i denne valkampen i 2025 burde ein halde seg for god for. Som om ein ikkje veit kor viktig det er at alle partia som står bak raudgrønt fleirtal kjem over sperregrensa når alternativet høgst sannsynleg kan vere ein Frp-dominert regjering med Sylvi Listhaug som statsminister! Ei orsaking bør kome. Eg har røysta SV i alle stortingsval så lenge partiet har eksistert og vore medlem av partiet dei siste to-tre åra. Men i år vurderer eg unntak.