Ombodsmannen

Emil Boss

Kompression

Dikt

Bokförlaget Lejd 2023, 240 sider

Emil Boss er velkjend for Klassekampens lesarar som spaltist, men kanskje ikkje like kjend som poet. Han debuterte i 2011 på prestisjeforlaget Bonniers med ”Vad avlägsna vi ser ut man kan knappt tro att det är vi”. I 2017 gav han ut ”Acceleration” på forlaget Lejd. Den blei trykt både som bok og på ein kassarull (!). Det formatet spelte på at Boss skreiv om arbeidet sitt på Systembolaget, der han blant anna sat i kassa. Etter å ha engasjert seg i fagrørsla – og dessutan ha skrive om vilkåra for arbeidarane på sørafrikanske vingardar – måtte han likevel forlate sin post på den jobben. No kombinerer han rolla som poet med å arbeide på det syndikalistiske fagforbundet SAC, der han prøver å organisere migrantarbeidarar. Det er desse arbeidarane «Kompression» handlar om.