På 70-talet helte presten Børre Knudsen geiteblod over hovudet sitt framfor Stortinget, i protest mot at norske kvinner i 1978 fekk lov til å ta abort før tolvte veke av svangerskapet. Og han fekk monaleg støtte frå delar av folket. På same tid hadde maoistiske studentar klart å skaffe seg reint fleirtal i både studentsamfunn, fagforeiningar og streikestyre fleire stader i landet. Likevel er det nokre som skal ha oss til å tru at dagens samfunn er særleg polarisert.