Sommarlett 80-talsbris

I år ville George Michael (1963 – 2016) fylt 60 år, samstundes som det er 40 år sidan han saman med sin jamgamle besteven, Andrew Ridgeley, slo gjennom med Wham! Den kortlevde duoen med sine fargesprakande sportskostyme var ein av mange image -styrte popfenomen på den britiske 80-tals­scenen, men få av desse har fått eit så langt, kulturelt etterliv som Wham! (Også utover ny-klassikaren «Last Christmas»). Noko som ikkje vart spådd av musikkpressa i samtida for å seia det forsiktig.