Livet i flokken

Kven er dei einslege mennene som blir att i fråflyttingsbygdene? Korleis har dei det, og kva ønskjer dei av livet? Det er store spørsmål som ligg under den siste dokumentaren til Trude Ottersen, og hennar brødreportrett gjev mange relevante ymt, men naturleg nok ikkje utfyllande svar. For som Ottersen får fram, er også «bygdegubbane» ulike individ – jamvel når dei har budd under same tak i over 40 år.