Nyheter Meninger Kultur Fordypning Bok og musikk

Tyven

DagbokaAina Ebube Helgheim30. jan. 2023

For noen uker siden satt jeg og venta på ei venninne som jeg skulle spise frokost med.

Les hele Klassekampen på nett

Allerede abonnent?

Lag bruker Logg inn

Dagboka

Aleksander Åsnes21. nov.

Milei

I den nyaste utgåva av den populære podkasten til Lex Fridman har han eit to timar langt intervju med Argentinas president Javier Milei. Milei er ein økonomiprofessor som kallar seg sjølv anarko-kapitalist, og som er sterkt inspirert av det vi kallar den austerrikske skulen innan økonomi. Kjenneteikna ved den er mellom anna ein djup skepsis til sentralbankar, staten og styring av økonomien. Milei er heilt uvanleg radikal i politikken sin, og difor er det interessant kor høg stjerne han har fått hjå folk som Donald Trump, Elon Musk og Lex Fridman. Han vil bryte staten ned på ein fundamental måte og la det private næringslivet bløme. No har jo Elon Musk fått i oppgåve av Trump å krympe den amerikanske staten, og difor er det litt ekstra interessant at dei er så fascinerte av den ekstreme Milei. Vi lever i rare tider, og eg har ei kjensle av at dette kanskje berre er byrjinga. Argentina er uansett eit land prega av djupt vanstyre over lang tid.

Aleksander Åsnes20. nov.

Smak

Det er ein sterk skikk i Noreg at ein ikkje skal seie noko stygt om dei døde, men det er mange stader det ikkje er slik. I både USA og Storbritannia er det til dømes ganske vanleg med krasse oppgjer i avisene når kjente folk døyr. Eg trur eg likar den norske høflegheita litt betre, men når til dømes Olav Thon døydde førre veke, tykte eg det var litt lite kritikk. Olav Thon sa ein gong i sein alder at det bygget han var aller mest fornøgd med, var Thon Hotel Opera i Bjørvika i Oslo. Det var Aftenposten som lurte på om han var oppteken av vakre bygg, og då trekte Thon fram dette heilt forferdelege bygget han har bygd på det som vel må vere den beste hotelltomta i Noreg. Det er klart at folk har forskjellig smak, men at det skal vere eit vakkert bygg, tenkjer eg rett og slett er feil. Det finst mange stygge hotellbygningar i Oslo, men det sørgjelege med Thon sitt bygg ved Operaen er at det skjemmer ut heile dette nye byområdet.

Anne Kari Hinna19. nov.

Bonden

Tv-profil Jon Almaas har kjøpt seg ein idyllisk gard frå 1100-talet, tatt med familien og flytta ut av hovudstaden til Romerike. No er han i ferd med å spela inn programmet «Jon blir bonde», som skal sendast til våren. Nyleg var Nettavisen på besøk hos bondespira, som etter eitt år som bonde kunne skriva under det bønder over heile landet har ropt om i lang tid: Økonomien i landbruket går ikkje opp. Ifølge Almaas har det vore «sinnsykt mykje arbeid» og lite pengar å tena. Det har overraska han mest det siste året. Almaas presenterer delar av rekneskapen sin: Han har dyrka 250 tonn korn, som han har fått 206.000 kroner for då han selde det til Felleskjøpet. Blant store postar på utgiftssida er gjødsel for 100.000 kroner, såkorn til 85.000 kroner, diesel (30.000) og reparasjon av traktor (25.000). I tillegg kjem utgifter til gjødselspreiar, såmaskin, plog, harv og arbeidskraft for tresking. Etter eitt år som bonde sit Almaas med 150.000 kroner i minus.

Dagens avis Ta kontakt Kundeservice Min side Personvernerklæring Åpenhetsloven

Sentralbord21 09 30 00
Kundeservice21 09 30 01
E-postklassekampen@klassekampen.no
AdresseGrønland 4, Oslo
PostadresseBoks 9257 Grønland, 0134 Oslo
Organisasjonsnummer925 350 605

Redaktør

Klassekampen arbeider etter Vær Varsom-plakatens regler for god presseskikk.