Mest av alt ønskjer Babbe seg det ho ikkje kan få til niårsdagen: ein kvalp. Far er nemleg allergisk mot hundar. Som om ikkje det var ille nok, flyttar ein løyndomsfull morfar Babbe aldri har høyrt om, plutseleg inn og tar over hytta ho og bestevenen Tim har i bakhagen. Morfar Didrik stakk av frå familien for 25 år sidan, og er forståeleg nok ikkje populær hos Babbes nevrotiske mor Margrete eller myndige moster Kristine. Men når Didrik gjev barnebarnet ein allergivenleg grisunge i fødselsdagsgåve, slår han ein kile inn i både familiesamhaldet og venskapen mellom Babbe og Tim.
Handlaga animasjon med aktuell konflikt og tidlaus bæsjehumor.
Frisk og frekk pølsefest
