- Kvinne dekk din kropp! Medan iranske kvinner riv av seg skautet og klyppar håret i protest mot diktaturet i heimlandet, vel amerikanske politikarar å følgja sine dødsfiendar i Teheran. Politikarane i delstatsforsamlinga i Missouri har vedteke ein ny kleskode som ber kvinner dekka akslar og armar. Mindretalet (demokratar, her i dobbel forstand) kallar vedtaket låtteleg, meiningslaust og sexistisk. Det første og det siste kan vi vera med på, men meiningslaust er det ikkje. Tvert om føyer det seg «fint» inn i abortforboda, oppheving av kvoteringslover og annan jamstillingsfremjande politikk i USA. Kvinnelege politikarar og offentleg tilsette må ifølgje det vedtaket no nytta ein jakke, til dømes blazer eller cardigan på jobb. Raud kappe og kvit hette er rett rundt neste val. «Store Satan» lever opp til namnet, men på anna vis enn iranske styremakter har meint.
Du må være abonnent for å lese denne artikkelen
Allerede abonnent? Logg inn
