Aleksander Åsnes 26. okt.
Snobberi Ein god del mediekritikk er heilt latterleg dårleg, også når det er smarte folk som kjem med den. Det er ikkje så rart, vi menneske er enkle vesen, og det er ikkje gitt at smarte folk har reflektert så grundig rundt det dei seier eller skriv.
Mange brukar «tabloid» som eit skjellsord, og då tenkjer eg alltid for meg sjølv at det dei har å kome med truleg ikkje er så interessant. At journalistikk er tabloid er bra, demokratiserande og skaper eit betre samfunn enn alternativet. Eg les Morgenbladet kvar veke og likar det ganske godt, men hadde verda vore ein betre stad om VG presenterte journalistikken sin etter same logikk som Morgenbladet? Nei, då hadde verda vore ein dårlegare stad. Ein stad der vanlege folk hadde mykje dårlegare innsikt i korleis ting heng saman, der mektige folk hadde hatt lettare for å sleppe unna med ting, og ikkje minst ein stad der mange ikkje hadde orka å lese aviser. Å setje ting på spissen er eit verktøy for å nærme seg sanninga.
Det betyr ikkje at eg meiner at avisene i Noreg er heilt geniale, og ikkje gjer noko feil.