Ein skattesmurt oljeopptur er i gang. Ei rekke utbyggingsplanar ligg på olje- og energiminister Terje Aasland (Ap) sitt bord. Ti av planane leverte Aker BP før jul. Samla sett dreier det seg om investeringar for rundt 200 milliardar kroner. Det største prosjektet har fått namnet Yggdrasil og blir den neste store olje- og gassutbygginga på norsk sokkel. Prosjektet er lokalisert i Nordsjøen mellom Alvheim og Oseberg. Også Equinor er involvert i planane.
Den gunstige oljeskattepakka får slakt av Skatteutvalet. Leiar Ragnar Torvik meiner det ikkje er for seint å dra i bremsen.
Ber regjeringa dra i bremsen
