Netflix’ siste sjåarmagnet har vorte møtt med skuldingar om å stø konspriasjonsteoriar og pseudovitskap. Kritikken er ikkje grunnlaus. «Oldtidens apokalypse» er ein i utgangspunktet fengjande, populær-arkeologisk serie om førhistoriske gigantkonstruksjonar (frå Indonesia til Tyrkia) av pirrande ukjent opphav. Problemet er at serien ikkje eigentleg vil utforska arkeologiske gåter, men byggja opp ein bastant påstand om at at det som politisk ladd blir kalla mainstream-arkelogar, medvite forsøker å halda skjult at overlevande frå ein ein øydelagd, avansert istids-svililsasjon (Atlantis), reiste verda rundt som levande gudar og «reboota» sivilsasjonen blant jegarar og sankarar. Programleiar og journalist Graham Hancock «veit at dette er sikkert», og kjempar for sanninga.
Gudane frå istida.