Kampen for tilværet

For to veker sidan blei rundt hundre turistar haldne fanga eit døgn på ein båt i peruanske Amazonas. Gisseltakinga viste seg å vera eit rop om hjelp frå ei lokal urfolksgruppe. Ei oljeleidning – eigd av statlege Petroperú – har nemleg sleppt ut rundt 2500 tonn med råolje i Cuninico-elva. Det er ikkje fyrste gong. Med turistaksjonen ville Cuninico-folket setta søkelys på det massive oljesølet, og legga press på regjeringa for å finna ut kva som hadde skjedd. (Perus statsminister Aníbal Torres skulda i staden urfolkssamfunnet for å ha kutta opp oljerøyret med vilje, slik at dei kunne «krevja kompensasjon»).