Det er ei sjølvmedviten ung kvinne, den 15-årige arveprinsessa Rhaenyra Targaryen (Milly Alcock), som har forteljarrøysta i «House of the Dragon» – den påkosta oppfølgjarserien til «Game of Thrones». Men trass si byrd og sin byrgskap, og trass i at ho meistrar både drakerytteri og drakespråk, er Rhaenyra også ei kvinne som fører ordet i ei mannsverd, der ho ofte blir overhøyrt eller beden om å teia. Når Rhaenyra opnar den drygt ti timar lange (!) førstesesongen med å samanfatta korleis far hennar, Viserys I (Paddy Considine), vart vald til jerntrona framfor kusina si, Rhaenys (Eve Best), berre fordi han var mann, samtalar forteljarkvinna i første rekkje med publikum framfor TV-skjermane, som om ho var ei av oss.
Draken frå sagaene stuper furtande ned under vår tids glastak.
Lunken eldsprut
