Eruptiv pubertet

Ungdomsfilm er litt som ungdomstida: Det er anten noko filmskaparane veks frå, eller noko dei ser tilbake på i eit nostalgisk ljos. Islendingen Guðmundur Arnar Guðmundsson er blant unntaka som har vilje til å halda fast ved dei smertefulle sidene ved puberteten, og som i tillegg evnar å bora djupt i tenåringspsyken på både truverdig og genuint filmatisk vis.