Sunnmørsk stilleben

Litt i løynd for offentleg merksemd har ein norsk film vorte ein internasjonal festivalsuksess denne våren. Anders Emblems «A Human Position» vart på kort varsel sett inn som opningsfilm på Tiff i Tromsø i januar, då Erik Poppes «Utvandrerne» fekk utsett premieredato på grunn av smittevernrestriksjonane på kino. «Reserven» viste seg å vera ei lita perle, utan stor ytre dramatikk eller filmstjerner framfor kamera, men med ein klår kunstnarisk ide, eit både empatisk og finurleg manus, og synleg talent i alle fagfunksjonar.