Oscar-feberen herjar i norsk film. Den historiske, doble nominasjonen til «Verdens verste menneske» kjem på eit perfekt tidspunkt, no når film- og kinobransjen skal reisa seg etter pandemien. Om du ikkje er blant dei over 255.000(!) som alt har kjøpt billett til filmen, som fekk seks stjerner i Klassekampen, er han enno tilgjengeleg på nokre kinoar. «Verdens verste menneske» er meint for stort lerret, der ein kan nyta dei sommarvarme og mytologiserande bilda av Oslo, men filmen er også (motsett sin argaste konkurrent, Ryusuke Hamaguchis «Drive My Car») tilgjengeleg i fleire strøymetenester. På grunn av pandemien, og fordi stadig meir film blir finansiert av strøymetenester, er det i år mogleg å sjå uvanleg mange av dei Oscar-nominerte filmane på sin eigen tv før prisseremonien. Det gjeld også for den andre, nordiske priskandidaten, danske Jonas Poher Rasmussens banebrytande, animerte dokumentar «Flukt», som fortent er nominert i tre kategoriar og som også fekk seks stjerner her i avisa.
Her er Oscar-filmane du kan og bør sjå på strøymetenestene.
Klassekampens Oscar
