Empatisk og uetisk

Korleis opplever autistar verda? Og korleis kan vi best forstå og koma i møte behov og ønskje frå autistar som ikkje kan snakka? Desse tilforlatelege spørsmåla er utgangspunkt for Jerry Rothwells film «Hvorfor hopper jeg», der den britiske dokumentaristen tar oss med til fire verdsdelar for å møta fem unge menneske «på spekteret» og deira foreldre. Det er ei opplysande og engasjerande reise som burde ha vorte ein eigen film, men diverre er Rothwell så opptatt av å svara – eintydig – på dei innleiande spørsmåla, at dei empatiske skildringane av fem liv blir ubehageleg instrumentelle.