Er det rustningskledde slangar, er det urvesen frå det djupe hav? Pansra skapningar frå det ytre rom? Dei er mykje større enn deg, det er i alle fall sikkert, og du møter tre av dei øvst i Munchmuseet. Her ruvar dei over tilskodaren i rommet der Sandra Mujingas solopresentasjon vert vist, som den fyrste i ei planlagd rekke på fem utstillingar med unge, Oslo-baserte kunstnarar i det nye museet.
Det største av alle hierarki, det antroposentriske, står for fall i Munchmuseets fyrste «Solo Oslo»-utstilling.