Kunst av livskrise

Det danske regitalentet Marie Grahtø er blant Nordens mest stilistisk særmerkte og tematisk konsistente filmskaparar. To novellefilmar om pubertetsjenter og psykisk helse er vidareutvikla til tv-serien «Noia» (2020) og spelefilmdebuten «Psykosia». Sistnemnde skildrar eit samanbrot innanfrå, i tradisjonen frå, og med referansar til, Ingmar Bergman. Grahtø er likevel tru mot sitt eige, estetisk orienterte prosjekt, der arkitekturen ved St. Hans Hospitals Museum i Roskilde skapar eit rom for tidlaus smerte, blant anna forårsaka av undertrykt, kvinneleg seksualitet.