«Det var den pandemien», skreiv overlege i Folkehelseinstituttet (FHI) Preben Aavitsland på Twitter i går, og varsla med det at vi er nærare å kunne gå tilbake til eit normalt liv enn nokon gong sidan pandemien byrja i mars 2020. Talet på nye sjukehusinnleggingar med covid-19 som hovudårsak er nemleg no lågt og på veg ned. Eldre og andre folk i risikogruppa har fått vaksine, og det er jo som kjent dei som i stor grad hamnar på sjukehus.