B for bokfilm­a­ti­sering

Barnebøker med ein viss suksess har alltid ein sjanse – eller ein risiko, alt etter som ein ser det – til å bli filmatiserte. Barry Johnsbergs prislønte roman «My Life as an Alphabet» er ein av mange. Johnsberg sjølv er blant mange britiske lærarar som med hell har vorte barne- og ungdomsbokforfattar. Yrkesovergangen fall saman med ei flytting til Australia, men ein kan (i alle fall ut frå filmen) ana at han har tatt med seg sine litterære forbilde frå fødelandet. Det er fleire element som minner om Roald Dahl i Jonsbergs lett karikerte univers av både trugande og fråverande vaksne, og barn som er utstøytte frå fellesskapen.