Fransk sommarflørt

Flørten som eit livgjevande tilskot til kvardagen har hatt dårlege kår dei seinare åra. Den erkefranske filmskaparen Caroline Vignal vil med «Elskeren, eselet og meg» minna om kor viktig flørten er og kanskje protestera litt mot all problematiseringa av kjønnsroller. Heltinna hennar, den kjenslestyrte småskolelæraren Antoinette (herleg nevrotisk spela av Laure Calamy), er den type lettforelska, «fri sjel» som har vore ein arketyp i franske komediar, men som sjeldan får leva lukkeleg i vår tids filmforteljingar.