NRK Super avrundar i dag ei temaveke om religion. Tru og religiøsitet har på godt allmenkringkastarvis fått prega programflatene frå Supernytt til dramaserien «Klassen», i tillegg til at kanalen har lansert sin eigenproduserte dokumentarserie «Selma og jakten på den perfekte tro». Den fem episodar lange serien handlar ikkje om religion(ar) i seg sjølv, men lèt norske barn fortelja om si (guds-) tru, om levereglar og livet etter døden, og om korleis deira religiøse praksis artar seg i høgtider, bøn, klesdrakt og matskikkar.
NRK preikar religionstoleranse tilpassa Tiktok-generasjonen.
Salig i si tru
