Nominasjonane til stortingsvallistene er for det meste avslutta. Med nokre få unntak har dei stort sett gått under radaren for folk flest. Det er der det har vore kamp og voteringar, at media finn interesse. Kjende stortingsrepresentantar har tapt voteringar i kamp mot mindre kjende personar. Årsakene kan vera tilfeldige, særleg fordi avrøystingane er hemmelege. Nokre kandidatar kan dessutan ha gjort eit betre fotarbeid enn andre i å overtyda dei som deltar i nominasjonsmøte. Særleg i mindre parti treng det ikkje vera så mange. Frp vil truleg få ein representant frå Buskerud. Kven det blir, vart avgjort med 23 mot 17 stemmer. Ved sist val fekk Frp 26.413 stemmer i fylket. Dei som avgjorde nominasjonen utgjorde med andre ord ein og ein halv promille av desse.
Nominasjonane til stortingsvalet er underskot på demokrati.