GULLFEBLA: Eit godt byte for husmannskona Ragnhild.
I Hallingdal levde det i si tid ei husmannskone som heitte Ragnhild. Ho hadde ei einaste ku, som ho tok svært godt vare på. Men ein sommardag på setra såg ho at det var knytt eit band kring halsen på kua. Og borti fjellet høyrdest den vakre songrøysta til huldra, som kalla Ragnhild ved namn og spurde om ho ville byta kua si mot ei geit som heitte Gullfebla.
