Det som skjer på danskebåten

Jan Vardøen har imponerande overskot og gjennomføringskraft, også som historieforteljar. Restaurant- og butikk-gründeren har ikkje berre pussa opp det kulturhistoriske klenodiet Frogner kino i Oslo, han har i fleire år også utmerka seg som sjølvlært filmskapar. Han har signert manus, musikk og regi på ei rad filmar med eit breitt tematisk spekter, sett til ulike miljø. Vardøen har også (saman med Henrik Martin Dahlsbakken) vist at det er mogleg å finna eigne, alternative produksjons- og distribusjonsvegar utanfor den litt konforme Storgata i norsk filmbransje.