Overgrep på pensumet på pensum

Både i kunsten og populærkulturen finst det ein lang tradisjon for å skildra seksuelle maktspel mellom ein vaksen mentor og ein ung elev. I underhaldningsfilmen har slik utbytting via klasse-, kjønns- og aldershierarki ofte vorte døyva av sentimental romantikk, og ein provoserande suksessrik mal for slik tilsløring, vart skapt av George Cukors musikalklassikar «My Fair Lady» (1964). Filmen vann åtte Oscar-prisar for si skildring av professor Higgins’ omskaping av Eliza Doolittle til sitt eige, passiviserte leiketøy (Til slutt kledd opp i ein tettsitjande kjole som viser kroppen under, men som er uråd å gå i).