Det finst ikkje noko meir livgjevande enn sola. Men sjølv om vi alltid har dyrka lyset, måtte folk i tidlegare tider i større grad også leve med mørket. Det var lite anna enn open eld som kunne kompensere for natt og mørketid. Dette gav rom for fobiar, mytar og religiøse fabuleringar. I vår, i dobbelt forstand, opplyste samtid, avfeiar vi slikt som overtru. Men mørket har framleis si eiga kraft, og i ei tid då det mange stader ikkje lenger er mogeleg å sjå stjernehimmelen på grunn av alt kunstlyset, tar folk til å oppsøke mørket.
«Våkenatt» sløkker lyset og inviterer oss med på ei uvanleg opplevingsrik reise.
Eit mørkets draumspel
