Den internasjonale gymnaslina International Baccalaureate skil seg frå det vanlege gymnaset mellom anna ved at elevane får all undervisinga på engelsk og får eit eige IB-diplom. Skulen har denne veka sett karakterar på eksamenane til elevane. Det einaste problemet er at dei har ikkje hatt eksamen, så skulen har berre dikta opp nokre karakterar i staden. På den eine sida respekterer eg den relativt tilbakelente haldninga deira som eit godt motsvar til alle som skal vere så framoverlente. På den andre sida er det jo ein fullstendig skandale.