«Dødslekene», Suzanne Collins’ brutale dystopi frå eit despotisk USA etter det økologiske samanbrotet, er blant dei mest populære ungdomsromanane på denne sida av tusenårsskiftet. Gjennom tre bøker, «Dødslekene» (2008), «Opp i flammer» (2009) og «Fugl Fønix» (2010), skildra Collins korleis den illusjonslause 16-åringen Katniss Everdeen motviljug vart eit revolusjonsikon. Heltinna samla fans på tvers av populærlitteraturens rigide kjønns- og sjangerskilje: Katniss er både attraktiv og ettertrakta, men hennar innfløkte kjærleiksliv kjem i andre rekkje for det sjølvpålagde ansvaret som familieforsørgjar for mora og veslesøstera. Den bogeskytande «survivalisten» vil kjempa til døden for sin sveltande familie, ei haldning som – gjort offentleg – har politisk sprengkraft i eit diktatur.
Hunger Games: Korleis blir ein ung mann despot? Suzanne Collins greier ikkje heilt å svara, eller å fornya sin eigen seriesuksess.
Naturtilstanden
