HOMOKAMP

Eit rom å vera fri i

LivetMaria Lavik (tekst) og Paul S. Amundsen (foto), Bergen22. nov. 2019

FRIE OG UFRIE ROM: Frigjeringa til Pål Bjørby starta då han mønstra på eit godsskip med kurs mot USA. Heime i Fyllingsdalen i Bergen ser han tilbake og ber folk ikkje tru at homokampen er vunnen. Paul S. Amundsen

Alt starta i femte klasse. Kanskje var det fordi han var ein keivbeint venstreback som aldri trefte ballen. Eller fordi han var for god til å dansa. Kanskje var det lærarinna som sette det heile i gang, då ho fortalde klassen at Pål var blitt eit skilsmissebarn – ei skandale i småborgarlege Drøbak på slutten av 1950-talet.