Krigen i aust gjorde dei først til flyktningar utanfor ukrainsk millionby. No kan dei hamne på gata.

Lever i limbo i eige land

Val i ukrainaPernille Fjørtoft Grøsvik (tekst) og Siv Dolmen (foto)20. juli 2019

UVISS FRAMTID: Familien Marienko har flykta frå Donetsk og bur i ein liten brakke i ein flyktningleir utanfor Kharkiv. Mor Viktoria (49), dotter Nina (14), son Nikolay (23) og faren som ligg og sov på et anna rom, kan snart bli kasta ut frå leiren som skal stengast ned. Dei er usikre på korleis dei skal finne ny bustad. Siv Dolmen

– Eg må vere positiv og ta ein dag i gongen, men eg er bekymra, seier tobarnsmor Viktoria Marinenko og sukkar. Ho og ektemannen Oleg tok med seg den 14 år gamle dottera Nina og den 23 år gamle sonen Nikolay på flukt, då heimen deira i Donetsk vart pepra med geværskot.