Arbeidarpartiet og Raudt meiner bemanningsbransjen snor seg unna innstramming:

Krev forbod på Austlandet

ArbeidslivGunnar Wiederstrøm, Bergen, Maria Dyrhol Sandvik (tekst) og Christopher Olssøn (foto), Oslo5. mars 2019

MANGE: På byggeplassane i hovudstaden florerer bemanningsselskapa. Både Raudt, Ap og fagrørsla vil ha slutt på det. Her frå ein byggjeplass i Oslo sentrum. Christopher Olssøn

I morgon samlar fagleg tillitsvalde frå heile landet seg utanfor Stortinget i politisk streik for å kreva harde tiltak mot bemanningsbransjen. På innsida av bygget jobbar både Raudt og Ap med politiske forslag for å koma aksjonistane i møte.