I 2011 vart London-tabloiden News of the World lagt ned etter ein korrupsjons- og avlyttingsskandale utan sidestykke. Nedlegginga vart annonsert av James Murdoch, som då var sjef for avisdivisjonen i News Corp., selskapet til James’ far Rupert Murdoch. Alle som følgde oppgjeret hugsar truleg bilda av James og Rupert på «tiltalebenken» under høyringane. Her såg ein den unge underdirektøren leggja ei irritert hand på den gamle tabloidsluggaren. Den storkjefta faren hadde aldri late seg styra av lov og (arbeids)rett, medan sonen lét advokatar snakka for seg og forstod at i dag er omdømme avgjerande for resultatrekneskapen.
Heime hos «Murdochs»
