Kunst på liv og død

I kveld blir palmeprisane delte ut i Cannes, og entusiasmen for hovudkonkurransen har vore jamt stigande i løpet av festivalen. I skrivande stund har den tyrkiske Cannes-favoritten Nuri Bilge Ceylan enno ikkje avrunda konkurransen med sitt nye familiedrama «Villpæretreet», så alt er ope. Likevel: Med det pågåande kvinneopprøret i bransjen synleg til stades på Rivieraen, talar mykje for at ein jury leia av Cate Blanchett vil velja ei av dei to kvinnelege regissørane som har fått mykje ros denne veka.