Forvarspolitikk
Umusikalsk statsminister
Saman med eit solid følgje frå næringslivet er statsminister Jonas Gahr Støre komen heim att etter offisiell visitt i Kina. Føremålet var å konsolidera handelssamarbeidet og drøfta andre spørsmål, mellom anna innan klima og miljø. Høgst sannsynleg vart det òg utveksla synspunkt på krigane i Midtausten og Ukraina.
Rett før han reiste kunngjorde Forsvarsdepartementet at Noreg over nyttår skal senda ein av dei to bemanna og operative fregattane sine til støtte for USA-armadaen i Kina-havet. Marinestyrkar frå nokre andre Nato-land skal òg vera med Etter det ein forstår er tiltaket ikkje i Nato-regi.
Sett i samanheng er dei to tiltaka i beste høve svært «umusikalske». Ein kan ikkje venta seg særleg handels- eller allmennpolitisk velvilje frå Kina når ein samstundes finn på å opptre militært saman med erkerivalen USA i Kina sitt nærområde.
For tida har Noreg berre to operative fregattar. Om den eine reiser til andre sida av jordkloden, halverer vi den alt no sterkt reduserte sjømilitære styrken.
Vidar Lehmann