Nærleik og avstand

Bur den som fører ordet i denne diktsamlinga i eit land som er i krig? I starten blir ein litt forvirra. I visse dikt ser bokas eg seg ikring i eit nærmiljø av krig og okkupasjon, medan det i andre dikt er heilt klart at det er frå eit norsk perspektiv ho talar. Og langsamt, langsamt blir det klart for ein at det er nett denne samanblandinga som er poenget. Me tar ikkje innover oss at me er i krig, me deler verda inn i nokre her og der som får det heile til å forsvinna for oss.