Å møte Kristina

På veg åt Tønsberg hadde eg avgjort med meg sjølv at eg der vilde møte prinsesse Kristina. Og burt Øvre Langgate, det var endåtil ein blid og solrik sumarsdag, og i krossen med Møllegaten var eg brått komen til «Prinsesse Kristinas plass». Det stod so på eit skilt på veggen. Slikt er berre som ei påminning å kalle. Ein råkar ikkje ei prinsesse i ein gatekross med folk og bilar hit og dit.