Kva kan me som sekulært samfunn læra av kristendommen? Om «hovmod og lidelse, og til og med om synd»? Debattant og tidlegare bloggar Bjørn Stærk har skrive «en slags andakts-bok for ikke-troende», der han forsøker å koma til botns i desse spørsmåla. Audmjuk respekt, heller enn sjølvgod forakt, pregar tilnærminga til forfattaren, som sjølv vaks opp som truande. «Å sette verden i brann» stiller seg langt ifrå nyateismens vitskapleg funderte forsøk på brannsløkking – i staden har Stærk ikkje så reint lite ærefrykt for bålet. «Når jeg møter den levende myten Jesus, grøsser jeg. … Jeg kan beundre den eller forakte den, det har ingenting å si.»
Avkristning: Bjørn Stærks ateistiske bok om Jesus kjem på eit interessant tidspunkt for religionsdebatt i Noreg.