Frankofon festival

I morgon opnar Frankofonifestivalen 2016 i Oslo, med kultur og politikk frå heile den frankofone delen av verda. Festivalen opnar med ein debatt om kvinner si deltaking i konfliktløysing, fredsforhandlingar og fredsbygging, både på individuelt og kollektivt nivå. Debatten «Women for Peace – Kvinners rolle i fredsprosesser» har som mål å gje eit historisk oversyn over emnet. I panelet sit mellom andre den belgiske parlamentsmedlemen Fatoumata Fathy Sidibé, tidlegare leiar av «Ni putes, ni soumises» (Verken hore eller underdanig), og Torunn L. Tryggestad, direktør for PRIOs Centre on Gender, Peace and Security.