1,4 milliardar kroner er regjeringa sitt framlegg til løyvingar til barnehagane i 2005. Regjeringa registrerer at auka barnehageutbygging og redusert foreldrebetaling fører til at fleire vil ha barnehageplass til ungane sine, og at denne effekten er større enn venta. 1. august stod om lag 23.250 barn på venteliste for barnehageplass, ifølgje rapportar frå kommunane. Regjeringa foreslår no å utsetja gjennomføringa av maksprisen på 1750 kroner per månad for å kunna styrkja utbygginga av fleire barnehageplassar.