Filosofen Jon Hellesnes har ytra seg sterkt skeptisk til den sterke posisjonen Friedrich Nietzsche (1844-1900) fekk på 1980- og 90-talet. «Ei rad europeiske intellektuelle skifta ut Marx med Nietzsche som åndshovding. Kanskje er denne perioden over no? Det er i så fall bra», gjentok han seinast i Klassekampen sist måndag. Hellesnes kritikk botnar i ei uro for at kontinuiteten mellom Nietzsche og nazismen/ fascismen har vorte gløymt.