340 står utan ambulanse

Det har vekt lokalt raseri at ambulansetenesta i Indre Laksefjord er lagd ned. Etter nedlegginga 1. februar har det alt hendt fire gongar at akutt-tilfelle har blitt sende i taxi til Hammerfest sykehus. Køyreturen er på mellom 23 og 28 mil, avhengig av kor i Laksefjord ein startar frå. Det lokale raseriet blir ikkje mindre av eit brev frå Statens Helsetilsyn der det blir sagt at når befolkningsgrunnlaget er så lite, vil «nytteeffekten i forbindelse med overlevelse og redusert helsetap ved akutt sykdom eller skade være begrenset».Feil grunnlag? Er eit menneskeliv her i fjorden ikkje er verd noko, er vi berre søppel for det rike Noreg?, spør aksjonsleiar Siw-Karin Johansen, som alt sist haust tok initiativ til ein underskriftskampanje da ho fekk kjennskap til at det var planar om å leggja ned ambulansetenesta på Kunes. Ho er svært forundra over tal og faktaopplysningar Helse Finnmark har lagt fram. Helse Finnmark har opplyst at det bur 210 personar i det aktuelle området, medan det faktiske talet er 343.