Den fortrylla familiekrøniken «Wildwood» er på eitt vis rett film til rett tid. Stop-motion-verket, historias lengste i sitt slag, har vore i utvikling sidan Colin Meloys og Carson Ellis’ illustrerte fantasybok med same namn vart lansert i 2011. På dei 15 åra som har gått sidan, har verda og filmbransjen vore gjennom fleire teknologiske omveltingar. Når filmen – som i prinsippet er laga på same arbeidskrevjande vis som Ivo Caprinos «Flåklypa Grand Prix» – no kjem på kino, har «Wildwood» også vorte ei kunstpolitisk erklæring.