Eg har alt fleire gonger skrive her om byen Juchitán sør i Mexico, eit samfunn som held seg med både menn, kvinner og muxes. Muxes er personar med mannleg anatomi som speler ei feminin sosial rolle definert gjennom arbeid, framtoning og seksualitet. Dei gjer stereotypisk kvinnearbeid, bruker kvinneklede i litt ulik grad og har sex med heteroseksuelle menn. Fordi kvinnearbeidet i Juchitán har vore innbringande, har mange muxes gjort det skarpt økonomisk, særleg dei som broderer den fargerike kvinnebunaden frå området.