Då han var 45 år gamal flytta Edvard Munch til Skrubben, rett utanfor Kragerø. Han hadde drukke samanhengande i fleire år, og til slutt vart han lagt inn på ein psykiatrisk klinikk i København med delirium og høyrselshallusinasjonar. Etter eit drygt halvår som pasient kom han seg på beina att, og tida på Skrubben skulle bli ein av dei mest intense og produktive periodane i karrieren hans. Han laga til eit utandørsatelier, og jamvel det mektige biletet «Solen» strekte han ut ved holmane og lét det stå der i all slags vêr. «Jeg så solen sto opp over klipperne – Jeg malte solen», sa Munch.